電盈私有化真相

昨日知道私有化失敗，都已經估到佢今日日股價會大瀉。今日收到消息，話電盈派特別息1.3一股，即是每1000股就有1300蚊利息，起初覺得好開心，因為估唔到有咁多息，但好快就即刻打消開心既念頭，因為點會有咁著數既野。今次私有化呢個戲，昨日都以為無論大股東及小股東都係輸家，但到今日，終於睇清楚，李澤楷係最後既大win家，今次既結果根本李澤楷基本就一早預計到，而小股東係會輸得好慘，隨時仲慘過電盈私有化。為何有此想法？原因真係明顯不過，起初班小股東唔想佢私有化，係唔想迫住4.5賣出自己既貨（因為好多人都係過當時過100蚊買入）希望佢私有化失敗後，股價可以上到4.5以上。但事實上，當私有代失敗後，李生再出招，佢竟然今日用派高息呢一招，一般人以為今次真係發達，有咁高息收，但實際上，到左電盈去到除息日時，股價很大可能真係跌到落1元都唔奇，班小股東即使可以每手收1300蚊利息，但事實上仍唔夠蝕既股價多，反而李生今次透過派息，自己仲分得多左，而電盈呢間公司，佢一早已經放棄，小股東而家想股價升過4.5，我相信都機會好微，筆者手頭上都有幾手電盈股份，但我既心態預左當佢係廢紙了，正如之前所講，當買左一個教訓，唔好貪心，同有錢佬話真係唔會夠佢地玩。